kumaha carana mun urang hayang nyaho kana eusi wawangsalan?

Kategori Soal : Bahasa Sunda - Sisindiran

Kelas : VIII (2 SMP)

Pembahasan :

Dina sisindiran paparikan jeung rarakitan mah purwakanti antar kecap nu aya dina antar padalisan bisa jelas kaciri. Sedengkeun dina wawangsalan purwakanti antar kecap nu aya dina antar padalisan henteu jelas kaciri. Carana mun urang hayang nyaho kana eusi (atawa wangsal) wawangsalan nyaeta yen dina padalisan kadua wawangsalan aya salahsahiji kecap anu murwakanti jeung harti padalisan kahiji. Maksudan, saperti conto di handap, kecap ngaroko nu aya dina padalisan kadua murwakanti jeung harti tina padalisan kahiji nyaeta toko.

Wawangsalan

Tempatna ngajual barang

ulah sok resep ngaroko (wangsalna toko)

Dina wawangsalan aya bagean anu disebut cangkang jeung aya bagean anu disebut eusi. Dina wawangsalan, bagean cangkang nyaeta padalisan kahiji. Sedengkeun bagean eusi nyaeta padalisan kadua. Jadi, eusi wawangsalan nyaeta aya dina padalisan kadua. Meureun anu ditanyakeun teh "kumaha carana mun urang hayang nyaho kana wangsal tina hiji wawangsalan". Nilik kana conto wawangsalan di luhur, wangsal tina eta wawangsalan teh nyaeta toko.

Wawangsalan teh nyaeta salahsahiji rupa tina sisindiran. Aya tilu rupa sisindiran, nyaeta wawangsalan, rarakitan jeung paparikan. Umpama ditilik tina eusi atawa maksud sisindiran, aya sisindiran nu eusina mangrupa piwuruk, aya sisindiran nu eusina mangrupa silihasih, jeung aya oge sisindiran nu eusina mangrupa sesebred atawa heureuy. Dina sapada wawangsalan aya dua padalisan. Sedengkeun dina sapada rarakitan jeung paparikan aya opat padalisan.

Kata Kunci : Sisisndiran, wawangsalan, rarakitan, paparikan