yang jago sunda jawab ya :) 1. JAUH KA BEDUG hartina: kalimahna: 2. HAMPANG BIRIT hartina: kalimahna: 3. TUTURUT MUNDING hartina: kalimahna: 4. INDUNG TUNGGUL R

Paribasa jeung babasan teh kaasup kana pakeman basa. Pakeman basa nyaeta kekecapan atawa kalimah anu miboga susunan anu geus maneuh sarta harti anu geus maneuh oge. Babasan nyaeta pakeman basa anu kekecapanna parondok, biasana ngan diwangun ku dua kecap sarta ngandung harti siloka kiasan, babasan lolobana ngagambarkeun pasipatan jalma.

Sedengkeun paribasa nyaeta pakeman basa anu kekecapanna leuwih panjang tibatan babasan. Paribasa biasana ngandung harti anu leuwih jero ti batan babasan. Aya paribasa anu eusina pangjurung laku jeung aya oge paribasa anu mangrupa pieunteungeun.  

Dina basa Sunda aya dua ragam basa nyaeta ragam basa hormat atawa lemes jeung ragam basa loma atawa kasar. Biasana kekecapan nu aya dina paribasa jeung babasan sok ngagunakeun ragam basa loma atawa kasar.  

Tapi, paribasa jeung babasan bisa dilarapkeun boh dina ragam basa hormat boh dina ragam basa loma, tampa ngarobah-robah ragam basa eta paribasa atawa babasan. Di handap ieu nyaeta conto paribasa jeung babasan, hartina jeung conto kalimahna:

1. JAUH KA BEDUG

hartina: Dusun, bodo, euweuh kanyaho.

kalimahna: "Maneh mah atuda sakola embung, diajar di imah oge embung, jadi we jauh ka bedug"

2. HAMPANG BIRIT

hartina: Daekan

kalimahna: "Neng Lia mah keur geulis teh hampang birit deuih"

3. TUTURUT MUNDING

hartina: Nurutan batur bari teu nyaho maksudna

kalimahna: "Ari jadi jalma teh kudu boga pamadegan anu bener atuh, ulah tuturut munding wae"

4. INDUNG TUNGGUL RAHAYU, BAPA TANGKAL DARAJAT

hartina: Kasalamatan jeung kabagjaan anu jadi anak teh gumantung kana karidoan jeung do'a ti anu jadi indung–bapana

kalimahna:"Peupeujeuh ari ka kolot sorangan teh sing inget jeung nyaah sabab pan indung tunggul rahayu, bapa tangkal darajat"

Kategori Soal : Bahasa Sunda - Pakeman Basa

Kelas : IX (3 SMP)

Kata Kunci : Paribasa, babasan, pakeman basa