pidato bahasa lampung tentang wisata kuliner

ASSALAMUALIKUM WR.WB Tabik pun nabik tabik jama unyin segala punyimbang tuha ghaja jak sai ghenik tigoh sai balak Tabik pun nabik tabik jam dewan jughi , tawok kanca pegheda sai ngeso’i peghlombaan sija Kilu mahap sekendua hatoghkon dighi,geghal sekendua “PONITA DEWI” keghatongan jak Way kanan. Kuti ghompok sai beghbahagia, Ghadu sepantasnalah gham jama-jama ngeghatoghkon teghima kasih jama Allah swt sai ghadu ngeju’i gham kesehatan ghik kesempatan sehinggo gham dapok beghsilatighahmi liwat peghlombaan ghik perkemahan sija. Teghima kasih munihsekendua hatoghkon jama kuti ghompok sai ghadu ngeju’i kesempatan jama sekendua guwai ngeso’i lomba pidato sija delom ghangka peghkemahan nyunsung ramadan sai ke selikogh. Delom kesempatan sai helau sija,izinkon sekendua nyampaikon cutik tanda mata sai dapok dijadukon kenang-kenangan sai judulna”KONDISI MULI MEGHANAI LAMPUNGGANTA SIJA” Kuti ghompok sai beghbahagia, Gham kak pandai njuk sipa kondisi muli meghanai Indonesia khususna muli meghanai Lampung sija.Nayah permasalahan-permasalahan sai teghjadi jak permasalahan sai ghenik tigoh pernasalahan sai balak.Nayah muli meghanai sai teghjerumus delom sex bebas,naghkoba ghik teghjerumus delom miras.Data kasus sai sekendua dapok jak kepolisian ghik BKKBN Provinsi Lampung tahun 2007 pecandu narkoba di Provinsi Lampung beghjumlah 258 jelma,jak 151 pecandu narkotika ghik 107 pecandu psikotropika. Sina ghetina mati nayahna muli meghanai sai ngehancoghkan negeghi sija.Jejama muli meghanai,api sai dapok gham da’akon maghai gham mak teghjeghumus jama sex bebas,narkoba ghik miras sina? Wat pun langkah-langkah sai dapok ghan da’akon di antaghana: sai peghtama “Ngejaga Norma Ghik Hawa Nafsu” Caghana jedo mempeghtebol iman.Sija dapok diawali jama solat 5 waktu ghik puasa.Sanga rebok lagi gham kughuk bulan puasa,bulan sai penuh ampunan dusa.Puasa ramadan hukumna Wajib,puasa dapok ngejadikon gham jelma sai betakwa njuk firman Allah sai ghetina ” Gham sai berimandiwajibkon jama hulun-hulun semakkung gham maghai gham betakwa” Kuti ghompok sai beghbahagia, Amun gham lagi puasa,gham haghus ngenahan hawa nafsu ghik ngenahan segala peghbuatan sai lunik tigoh sai balak sai dapok ngughangi pahala puasa jak semakkung subuh tigoh maghrib.Amun mataghani kak tepedik,sina ghetina gham kak ghadu siap ngehindaghkon peghbuatan-peghbuatan sai dapok ngughangi ibadah puasa.Contoh ghenik peghbuatan sai dapok ngughangi ibadah puasa ialah”Bujuk Ngopok” , sekendua yakin kita ghompok kadang-kadang mak sengaja galak ngopok hulun baghegh apilagi amun kak ngumpul jama tawok-tawok.Ulah sina do,liwat PSR sija mudah-mudahan dibulan puasa tini gham dapok ngughangi ngopok sina.Gadu sina kita ghompok,biasana dighani peghtama puasa beting gham taghasa betoh benogh,seghebik-seghebok gham ngenah jam angin enduh kapan buka sina ghatong.Angin kita ghompok,amun kak ghatong waktu buka gham kadang laju-lajuan,temon makwat? Segala kani’an tekughukkon dilom banguk.Adu…ghadu sina kak telegay juga ba’ulah api? Ba’ulah kak kebetongan.dang lagi haga solat taghawih akik solat magrib juga enduh cagha.Jadi,amun cak hulun tuha “Antan-Antan” Kitu ghompok sai beghbahagia, Nayah munih hulun sai mak haga puasa,ba’ulah api? Ba’ulah tiyan wat pemekeghan amun tiyan puasa tiyan ghabai kantu ma’ulah mak mengan.Padahal,puasa sina ngji’i nayah manfaat sai diantaghana : Dapok nahan hawa nafsu,ngejadikon badan menyayan ghik sai tantuna gahm dapok pahala. Ghadu sina kuti ghompok sai beghbahagia, Langkah sai keghuwa sai dapok gham da’akon ialah so’ilah organiasi ghik kegiatan sai positif.Angkon gham betenteng dija betenteng duda mak ngedok tujuan angin luwah jo jak jinganan enduh api-api gawi ! Ngehaman minih kuti ghompok,layon ghetina ngehening gawoh ogot-ogot di nuwa makdok gawi.Ngehaman sai dimaksud iyulah memanfaatkan waktu luang jama hal-hal sai positif misalna ngebaca buku,ngebaca qur’an,ghik nulung tnduk bekindak di dapogh amun mak sina kumpul jama tawok-tawok delom organisasi ghik kegiatan sai positif. Njuk sai gham so’t ganta.liwat PSR sija nayah manfaat sai gham dapok.Gham dapok silatughgahmi jama kanca pegheda jak kabupaten baghegh,halok munih kuti ghompok dapok jodoh,api wi makdok laghangan teduh amun wat sai cinlok.Sai tantuna gham dapok pengalaman sai luar biasa.Ba’ulah sina do kuti ghompok,gha patut ngucapakon teghima kasih jama kampus IAIN sija sai kak ghadu payah ngadakon peghkemahan sija Amun dapok munih gham ngeju’i acungan jempol lebih jak pak sangking helauna pemekeghan tiyan. Kuti ghompok sai baghbahagia, Sina do sai dapok sekendua tigohkon,sekendua sadagh nayah rawatan sekendua sai salah sosogh mak tiwon ucap,bak ulah sinalebih kughangna sekendua kilu mahap.Mudah-mudahan api sai sekendua tigohkon beguna bagi kita ghompok seunyinna. Sekendua akheghi WASSALAMUALAIKUM WR.WB